Eyjapistill 7. febrúar fyrsti Eyjapistillinn

Umsjón: Stefán Jónsson sem löngum var kallaður fréttamaður. 1. Vestmannaeyjar. Lag: Arnþór Helgason. Ljóð: Kristinn Bjarnason. Guðmundur Jónsson syngur. Guðmundur Gilsson leikur með á píanó. Sungin tvö erindi kvæðisins. 2. Stefán Jónsson gerir grein fyrir tilgangi þáttarins. 3. Stefán Jónsson ræðir við séra Þorstein Lúter Jónsson sóknarprest í Vestmannaeyjum um uppruna þjóðsögunnar að ekki megi vera biskupssonur prestur í Vestmannaeyjum. Einnig segir séra Þorsteinn frá safnaðarstarfi í hinum mörgu Landakirkjum (á fastalandinu). Hann fjallar um fermingarundirbúning og dagheimili fyrir Eyjabörn. 4. Sagt frá samþykktum bæjarstjórnar Vestmannaeyja um að fá Gullfoss og Hótel Esju handa húsnæðislausum, skólastarfi og fleiri tilkynningar. Fjallað einnig um skólastarf í Reykjavík og Hveragerði og víðar austan fjalls. Stefán bendir á heppilegar strætisvagnaleiðir handa Vestmannaeyingum í Reykjavík. Fjallar um veiðar Eyjabáta. Sagt frá vélsmiðjum Eyjamanna. Sagt frá starfsemi veiðafæragerðanna í Eyjum. Fjallað um atvinnu- og húsnæðismiðlun í Tollstöðvarhúsinu í Reykjavík. Sagt frá ráðleggingastöð Rauða krossins. Sagt frá opnun skrifstofu bæjarstjórnar Vestmannaeyja í Hafnarbúðum í Reykjavík. Fjallað um íþróttamál. Heildartími 17.15 mín.

Skrár tengdar þessari bloggfærslu:

• Fyrsti Eyjapistillinn

Eyjapistill 8. febrúar 1973

Umsjón: Arnþór og Gísli Helgasynir, Stefán jónsson og Gunnar Sigurmundsson. Fyrsti Eyjapistill í þeirra umsjón. 1. Síldarstúlkurnar. Þáttalag Eyjapistils eftir Oddgeir Kristjánsson. Tekið af hljómplötu með Gretti Björnssyni. 2 Kynning þáttarins. Arnþór fjallar um tilgang hans. 3. Stefán Jónsson segir sögu frá Sverri Einarssyni tannlækni um að gervitennur hafi valdið kompásskekkju á bát frá Vestmannaeyjum. 4. Aflafréttir og fleiri tilkynningar um að bátar leggi upp afla á Selfossi. 5. Tilkynningar og Eyjafréttir. 6. Jón Ó. E. Jónsson flytur kvæði sitt um Magna, hann vann þar um árabil. Hljóðritun sennilega frá 1969, hljóðritað í Vestmannaeyjum af Arnþóri. 7. Fréttir af vélsmiðjunni Þór, sem enn er í Eyjum og fréttir af Eyjabátum. 8. Afmæliskveðja. 9. Blítt og létt eftir Oddgeir Kristjánsson. Ljóð Árni úr Eyjum. Hljómsveit Ólafs Gauks flytur. Heildartími 13.44 mín.

Skrár tengdar þessari bloggfærslu:

• Eyjapistill 8. febrúar

Eyjapistill 9. febrúar

Umsjón: Arnþór og Gísli Helgasynir. 1. Kynningarlagið Síldarstúlkurnar og kynning Gísli Helgason. Hann lýsir því yfir að þáttastjórnendur séu frjálsir menn. 2. Stefán Jónsson les tilkynningu til kaupsýslumanna. 3. Vikið að húsnæðismálum. Tilmæli til Eyjamanna að greiða ekki of háa leigu og sprengja upp leiguverð. 4. Fréttir af vélsmiðjunni Völundi. 5. Lag með dixilandhljómsveit Vestmannaeyja. Líklega hljóðritað 1966 á tónleikum Lúðrasveitarinnar í Samkomuhúsi Vestmannaeyja. 6. Fréttir af 6 eyjabátum og tilkynningar. 7. G. H. ræðir við Sigurgeir Jónsson kennara um skólastarf í Hveragerði og annars staðar austan fjalls. Fyrsta símaviðtalið í Eyjapistli. 8. Fyrirspurn um greiðslur til Eyjamanna frá Sjúkrasamlagi Vestmannaeyja og fleiri lífeyrissjóðsgreiðslur. Heildartími 14.15 mín.

Skrár tengdar þessari bloggfærslu:

• 7302-09_0.mp3

Eyjapistill 10. febrúar 1973

Umsjón: Arnþór og Gísli Helgasynir og Gunnar Sigurmundsson. 1. Lesin listi yfir löndunarstaði Eyjabáta. 2. Tilkynningar og fréttir frá Erling Ágústssyni í Njarðvíkum, þar sem hann býðst til að gera við raftæki Vestmannaeyinga þeim að kostnaðarlausu. Erling er dægurlagasöngvari úr Eyjum. 3. Oft er fjör í Eyjum. Söngur: Erling Ágústsson. Hljómsveit Guðjóns Pálssonar leikur með. 4. Hafsteinn Stefánsson fer með tvær stökur í viðtali við Stefán Jónsson. 5. Eyjafréttir og tilkynningar. Heildartími 14.43 mín.

Skrár tengdar þessari bloggfærslu:

• 7302-10_0_0.mp3

Eyjapistill 11. febrúar 1973

Umsjón: Arnþór og Gísli Helgasynir, ásamt Gunnari Sigurmundssyni og Stefáni Jónssyni. Þátturinn er ekki til hjá Ríkisútvarpinu. 1. Arnþór kynnir þáttinn og Gísli les tilkynningar. Arnþór ræðir við Gunnar og Gísla, sem segja frá mikilli svaðilför til Hveragerðis og við lá að þeir kæmust ekki aftur í bæinn. 2. Gunnar Sigurmundsson ræðir við Brynjólf Einarsson bátasmið, sem staddur var í Hveragerði, en hann var tregur til og fór samt í gang. Brynjólfur fer með margar skemmtilegar vísur, sem hann hefur ort í vinnunni og segir frá verkum sínum og samferðarmönnum. Brynjólfur segir m.a. frá vinnu fyrir Helga Benidiktsson og Lifrarsamlagið. Gísli skýtur inn spurningu um bátasmíðina. Brynjólfur minnist á Surtseyjargosið og fer með vísur þar um. Brynjólfur segir frá rukkarastarfi sínu og yrkingum þar um. Fer að lokum með mottóið fyrir yrkingar sínar. Aftan á þáttinn vantar bænarorð, kveðjur og fleira. Heildartími 15,07 mín.

Skrár tengdar þessari bloggfærslu:

• Brynjúlfur Einarsson bátasmiður fer m. a. á kostum með vísur og spjalli

Eyjapistill 13. febrúar 1973

Umsjón: Arnþór og Gísli Helgasynir.
Þátturinnn er ekki til hjá Ríkisútvarpinu.

1. Arnþór kynnir eftir þáttarlagið. Gísli les auglýsingu frá Rannsóknarlögreglunni, en til hennar hafði komið fólk, sem pakkað hafði niður dóti sínu, en það horfið. Dæmigerð auglýsing frá þeim, sem týndu dótinu sínu.

2. Arnþór segir frá því að Áki Haraldsson hafi hringt af Bessastíg 12, en þeir kalla það Gosastaðir. Áki segir frá björgunarstörfum í Eyjum, en hann er í björgunarsveitinni Gosa. Hann segir frá líðan þeirra.

3. Séra Karl Sigurbjörnsson spjallar við Arnþór og kynnir sig. Tilefni er beiðni manna um messu í Landakirkju. Karl lýsir ferð sinni til Eyja. Karl segir frá safnaðar- og félagsstarfi í Eyjum. Leikið Því ekki með Lúdó og Stefáni.

4. Gísli les þakklætiskveðjur frá sjómönnum í Eyjum. Um húsnæðismál. Lesin tilkynning um viðverutíma séra Þorsteins Lúters Jónssonar og lesin ein afmæliskveðja. Leikið lag í lokin.

5. Vísur til Magnúsar bæjarstjóra frá Tryggva Haraldssyni á Akureyri. Arnþór les tilkynningar í lokin frá kirkjunni.

6. Bænarorð séra Karls Sigurbjörnssonar.

Heildartími 18.08 mín.

Skrár tengdar þessari bloggfærslu:

• M. a. séra Karl Sigurbjörnsson kynntur til sögunnar

Eyjapistill líklega 14. febrúar 1973

Umsjón: Arnþór og Gísli Helgasynir.
Þátturinn er ekki til hjá Ríkisútvarpinu.

1. Arnþór kynnir þáttinn og les tilkynningu um týnda hluti og upplýsingar um fleiri, sem týnt hafa dótinu sínu. Gísli les tilkynningar frá Verkalýðsfélaginu og prestunum. Tilkynning einnig frá knattspyrnuráði Vestmannaeyja. Enn fleiri tilkynningar um týnda muni.

2. Arnþór segir frá því að lögreglan í Reykjavík hafi ákveðið að bjóða Vestmannaeyingum upp á ókeypis umferðarfræðslu. Les tilkynningu frá Lúðrasveit Selfoss til Lúðrasveitar Vestmannaeyja og fleiri tilkynningar., m.a. auglýsingu á milli ættmenna um aðsetur. Afmæliskveðja og leikið lagið Bíddu pabbi bíddu mín, sem Vilhjálmur Vilhjálmsson syngur.

3. Gísli segir frá viðskiptum sínum við Pétur Sigurðsson formann Almannavarna ríkisins og spjallað er í gegnum síma við Jón Hjaltason lögfræðing formann Húseigendafélags Vestmannaeyja, sem er ósáttur við hvernig staðið er að málum í gosinu. Jón var forstöðumaður flutningadeildarinnar með búslóð. Hann fullyrðir að það sé óöld í Eyjum og mikill innbrotafaraldur gangi yfir.

4. Gísli les bréf frá Magnúsi Magnússyni á Borgarhól um nafn á helvítið.
Vantar aftan á þáttinn, sennilega bænarorðin.

Heildartími 13.26 mín.

Skrár tengdar þessari bloggfærslu:

• M. sagt frá viðskiptum Eyjapistils við formann almannavarna

Eyjapistill 18. mars

Umsjón: Arnþór og Gísli Helgasynir.
Þessi þáttur er ekki til í fórum Ríkisútvarpsins.

1. Arnþór kynnir þáttinn og segir frá boði Sjálfsbjargar í Vestmannaeyjum og Árnessýslu í félagsheimili kvenfélagsins Bergþóru í Ölfusi. Gísli skrapp á fundinn og spjallar við Hildi Jónsdóttur formann Sjálfsbjargar í Vestmannaeyjum um stofnun félagsins og fleira. Gísli og Hildur spjalla einnig um skólabörn, sem eru í Hveragerði, en Hildur er kennari. Allir krakkar segjast ætla að moka heima í sumar. Fram kemur að skólinn fær inni í Sundlaugarbyggingunni.

2. Vestmannaeyjaóður eftir Þórhildi Sveinsdóttur skáldkonu. Höfundur les. Arnþór kynnir hana.

3. Arnþór og Gísli leika kínverskt lag, að hluta og það heitir Syngjum fyrir föðurlandið okkar.

4. Gísli spjallar við Odd Sigurðsson á gosvaktinni í Eyjum, en þar segir hann frá því hvernig hraunjaðarinn, sem var hár vikurbyngur hefur sigið saman og hlaupið fram. Talsvert rennsli í átt að Ystakletti, Elliðaey og í suðaustur. Mikið gasuppstreymi í gosinu í nótt. Segir frá gígmyndunum, ómetanleg lýsing frá gosinu. Viss hluti bæjarins lýst hættusvæði vegna gasuppstreymis. Hann segir hvaða staður er kallaður Dauðadalur. Myndast klórvetni vegna sjódælingarinnar á hraunið.

5. Arnþór les afmæliskveðjur og hljómsveit Ingimars Eydal leikur lagið Ég er sjóari.

6. Bænarorð séra Þorsteins Lúters Jónssonar, lesin beint.
Heildartími 19.11 mín.

Skrár tengdar þessari bloggfærslu:

• M. a. einstæð lýsing á gosinu

Eyjapistill 22. mars 1973

Umsjón: Arnþór og Gísli Helgasynir.
Þessi þáttur er ekki til í fórum Ríkisútvarpsins.

1. Gísli kynnir þáttinn. Hann les fyrst áríðandi tilkynningu. Arnþór les tilkynningu frá knattspyrnuráði Vestmannaeyja um leik ÍBV og Fram í meistaraflokki KSÍ. Leikurinn verður haldinn á Melavellinum og hvatningarhróp heyrast á eftir.

2. Vigdís Sverrisdóttir hringir inn kveðju. Svona hljómuðu sumar kveðjurnar, sem við útvörpuðum beint. Kveðjan er vegna barnsfæðingar. Gísli les þar á eftir afmæliskveðjur. Leikið lagið Elliðaeyjarbragur með Árna Johnsen.

3. Arnþór les kvæðið Óskalandið eftir Pál Árnason í Þórlaugargerði.

4. Áki Heins Haraldsson hringir beint frá Eyjum úr farþegamiðstöðinni á Hótel HB. Hann sendir kveðju til félaga síns að Gosastöðum tvö uppi á Strembugötu. Hann spjallar um fréttir í Eyjum, um mannfjölda, sem var 363 manns.
Séra Þorsteinn auglýsir messu í kvöld kl. 08.30 í Landakirkju. Guðmundur Guðjónsson organisti er einnig í Eyjum. Seint að kvöldi þessa dags undir lok messunnar 22. mars hljóp mikið hraunflóð á bæinn. Fjöldi húsa fór undir hraun.
Í þessari messu voru um 179 menn. Til eru margar myndir þaðan og athöfnin var áhrifamikil. Messan var hljóðrituð á vegum Ríkisútvarpsins, en hljóðritið er týnt nema hluti sálmsins Á hendur fel þú honum sem er til í Eyjapistli frá 25. mars.

5. Leikið japanskt lag Síðustu skilaboðin.

6. Gísli les tilkynningu frá Austfirðingafélaginu í Eyjum í kaffiteríunni í Glæsibæ. Arnþór les um félagsvist félagsins Heimþrá og Gísli minnir á borgarafundinn með forsvarsmönnum Vestmannaeyjabæjar á vegum Heimþrár sem haldinn verður 25. mars að Hótel Selfossi. Arnþór les um fund hjá Starfsmannafélagi Vestmannaeyjabæjar.
Dæmigerður Eyjapistill, eins og hann gat verið bestur.

7. Bænarorð séra Þorsteins Lúters Jónssonar.

Heildartími 18.17 mín.

Skrár tengdar þessari bloggfærslu:

• Eyjapistill 22. mars 1973

Eyjapistill 25. mars 1973

Umsjón: Arnþór og Gísli Helgasynir.
Þessi þáttur er ekki til í fórum Ríkisútvarpsins. Þátturinn fannst í segulbandasafni A. H. Og G. H. Í janúar 2008
Fremst heyrist Ragnheiður Ásta Pétursdóttir kynna þáttinn.

1. Arnþór kynnir þáttinn. Les tilkynningar.

2. Arnþór les bréf frá Þórarni Gíslasyni meðhjálpara. Leikið lagið Morgun á Heimaey “Yndislega eyjan mín” eftir Brynjúlf Sigfússon. Ljóðið eftir Sigurbjörn Sveinsson. Fyrsta erindið. Guðmundur Jónsson syngur. Ólafur Vignir Albertsson leikur með á píanó.

3. Séra Þorsteinn Lúter Jónsson les kvæði til Vestmannaeyinga eftir Lilju Borgfjörð.

4. Arnþór les afmæliskveðjur. Leikið lagið Ljúft þítt lag með hljómsveitinni Facon frá Bíldudal.
Í lokin segir Arnþór frá því að G. H. og Þorbjörn Sigurðsson tæknimaður séu á borgarafundi Vestmannaeyinga í Selfossbíói. Því miður hafa þættir um borgarafundinn glatast. En fundurinn er allur til.

5. Bænarorð séra Þorsteins Lúters Jónssonar sóknarprests í Vestmannaeyjum.

6. Sungin þrjú vers úr sálminum Á hendur fel þú honum, eins og hann var fluttur í messu í Landakirkju 22. mars að kvöldi þess dags. Þá í lok messunnar hljóp mikið hraunflóð á bæinn. Guðmundur Guðjónsson leikur á orgelið. Líklega hefur Hrafn Baldursson tæknimaður hljóðritað messuna.

HEILDARTÍMI: 22,47 mín.

Skrár tengdar þessari bloggfærslu:

• Eyjapistill 25. mars