Eyjapistill 12. ágúst 1973

Umsjón: Arnþór og Gísli Helgasynir.

1. Gísli fer til Stokkseyrar með Jónasi Guðmundssyni.
Ræðir við Steingrím Jónsson sveitarstjóra þar um framkvæmdir vegna viðlagasjóðshúsa þar. Steingrímur spjallar einnig um leigukjör og hugmyndir sínar um kaupleigu, en það hugtak var ekki til þá.

2. Gísli fer til Eyja og spjallar við Einar Steingrímsson flugumferðarstjóra í Vestmannaeyjum.

3. Bænarorð séra Karls Sigurbjörnssonar.

Heildartími 16.50 mín.

Skrár tengdar þessari bloggfærslu:

• Rætt um viðlagasjóðshús á Stokkseyri og við Einar Steingríms fugumferðarstjóra í Eyjum

Eyjapistill 16. ágúst 1973

Umsjón: Arnþór og Gísli Helgasynir.

1. Gísli les tilkynningar og gripið inn í með efni frá þjóðhátíð á Breiðabakka.

2. Farið á þjóðhátíð á Breiðabakka.
Brugðið upp mynd af dansleik, þar sem hljómsveit þjóðhátíðar, Ólafur Bachmann, Henry í Logum, Sigurður Rúnar Jónsson og fleiri léku. Heyrist í góðglöðum Eyjamönnum.
Svipast frekar um á bakkanum og rætt við hina og þessa þjóðhátíðargesti í misjöfnu skapi.
Gísli hittir Hörð Pálsson, sem er 7 ára gamall.
Farið í sjúkratjaldið og rabbað við fyrirliða Hjálparsveitar skáta, Sigurð
Þóri Jónsson um slys og meiðsli á þjóðhátíðinni,
en mörgum var skeinuhætt í vikrinum.
Stemmning úr þjóðhátíðartjaldi kl. 4 um nótt, þegar sólin var um það bil að koma upp.

3. Sagt frá fyrirhuguðum fótboltaleik á milli Vestmannaeyinga og Keflvíkinga með tilheyrandi effektum og afmæliskveðjur. Leikinn Óðurinn til gleðinnar eftir Beethoven, sem Walter Carlos leikur á hljóðgervil.

Heildartími 20.14 mín.

Skrár tengdar þessari bloggfærslu:

• M. a. efni frá Þjóðhátíð á Breiðabakka

Eyjapistill 19. ágúst 1973

Umsjón: Arnþór og Gísli Helgasynir.

1. Arnþór byrjar á tilkynningum um týndan svefnpoka o. fl.

2. Gísli ræðir við Sighvat Bjarnason framkvæmdastjóra Vinnslustöðvarinnar í síma um uppbygginguna í Vinnslustöðinni og um hafnarskilyrði í Eyjum eftir gos, ótta við mengun o. fl. Sighvatur lýsir því hvernig bærinn kemur undan öskunni og hvetur til þess að menn flytji út til Eyja. Mjög jákvætt samtal.

3. Arnþór les kveðjur, ræðir við Árna Johnsen um nýja hljómplötu Eyjaliðsins, sem Árni, Arnþór og Gísli voru hvatamenn að. Árni segir frá því hvar hann samdi lagið Eyjan mín og hljómplötuupptakan frumflutt. Þá segir Árni frá heimildabók um gosið, sem hann er að rita.

4. Bænarorð séra Þorsteins Lúthers Jónssonar.

Heildartími 20.30 mín.

Skrár tengdar þessari bloggfærslu:

• M. a. rætt við Sighvat bjarnason framkvamdastjóra Vinnslustöðvarinnar og Árna Johnsen um eyjaliðsplötuna og heimildabók um gosið

Eyjapistill 22. ágúst 1973

Umsjón: Arnþór og Gísli Helgasynir.
Þessi þáttur er ekki til hjá Ríkisútvarpinu.

1. Arnþór segir frá þeim merkisatburði að á morgun verði opnuð verslun í Eyjum. Hann les fleiri tilkynningar.

2. Þorleifur Hauksson lektor les kveðju frá Noregi til Friðriks Péturssonar í Eyjum.

3. Arnþór les beiðni um að Eyjamenn tilkynni um breytt heimilisfang.

4. Arnþór segir fréttir af stjórnarfundi Viðlagasjóðs úti í Vestmannaeyjum. Hallgrímur Sigurðsson framkvæmdastjóri Vl. segir frá samþykktum fundarins. Þar á meðal að vaktavinna sé hætt, en vinnuvika verði nokkuð löng. Einnig samþykktur flutningur nokkurra fyrirtækja til Eyja.

5. Gísli fer í viðtalsreisu um Reykjavík.
Ræðir við Jónas Guðmundsson í Húsnæðismiðluninni um húsnæðismál.

6. Gísli segir smá fréttir frá Eyjum og les fundarboð, spjallar í léttum tóni um skatta og vísutölu. Leikið lagið Vísitölufjölskyldan með hljómsveitinni Fakon frá Bíldudal.

7. Gísli les kveðjur í beinni útsendingu. Lagið með Fakon endaði snubbótt því að Gunnar Stefánsson þulur slökkti á plötuspilaranum. Í lokin er leikinn Brennukóngsvalsinn eftir Arnþór Helgason. Gunnar Guðmundsson leikur á harmonikku, Arnþór á orgel og bassa og Gísli á trommur.

Heildartími 18.41 mín.

Skrár tengdar þessari bloggfærslu:

• Eyjapistill 22. ágúst 1973

Eyjapistill 23. ágúst 1973

Umsjón: Arnþór og Gísli Helgasynir.

1. Arnþór les fréttir og tilkynningar, m.a. um skemmtun leikara í Bæjarleikhúsinu í Eyjum o. fl. tilkynningar, m.a. um húsaúthlutun.

2. Lesin afmæliskveðja.

3. Gísli heimsækir Alfreð Washington Þórðarson tónskáld frá Vestmannaeyjum. Alfreð vann einnig við húsamálun og málaði húsið Wosbúð, sem heitir eftir honum, enda var sumarið sem málað var, vætusamt hjá Wosa og almættinu. Samtalið var tekið í Hafnarfirði og Alfreð leikur nokkur lög sín og spjallar um tilurð þeirra og lífshlaup sitt. Þess má geta að Sverrir Kjartansson ræddi við Alfreð á Stokkseyri einum eða tveimur árum eftir gos og gerði ágætis þátt um hann. Þá gerði Árni Johnsen ágætis heimildarþátt um Wosa, sem fluttur var í Ríkisútvarpinu 1992.
Lögin, sem Alfreð Washington leikur eru.
Vals, saminn rétt fyrir gos.
Fjólan. Til er texti við það lag eftir Loft Guðmundsson.
Heimaslóð, lag Alfreðs við ljóð Ása í bæ. Lagið kom út á Eyjaliðsplötunni, Ási syngur. Alfreð, Arnþór og Gísli leika með. Alfreð segir svo frá tilurð lagsins og ljóðsins. Sennilega er það rétt heimild, Ási var ekki mjög minnugur á slíka hluti.

Heildartími 19.41 mín.

Skrár tengdar þessari bloggfærslu:

• Alfreð Whasington Þórðarson spjallar um lífshlaup sitt og leikur frumsamin lög

Eyjapistill 29. ágúst 1973

Umsjón: Arnþór og Gísli Helgasynir. 1 Gísli kynnir þáttinn. Arnþór les tilkynningu um að fólk frá Rauða krossinum langi að hitta Eyjabörn, sem voru í Noregi. Arnþór les fleiri fréttir og hvatningu til fólks um að flytja heim, m.a. frá Fiskiðjunni o. fl. 2. Gísli les bréf. 3. Arnþór ræðir við Hafstein Stefánsson um byggingu viðlagasjóðshúsa o.fl. Hafsteinn segir frá hvar viðlagasjóðshúsin eru sett niður. Arnþór spyr Hafstein um skoðun hans á að reisa ekki eitthvað af viðlagasjóðshúsunum í Eyjum. Hafsteinn ræðir um væntanlega búsetu manna í Eyjum. Ummæli hans urðu tilefni mikila bréfaskrifa í Eyjapistil. Hafsteinn fer með smá vísu um hvaðan hann komi. Ort skömmu eftir gos. 4. Afmæliskveðjur. Leikið lagið Íslands hrafnistumenn með Útvarpskórnum. Heildartími 18,14 mín.

Skrár tengdar þessari bloggfærslu:

• M. a. umdeilt viðtal við Hafstein Stefánsson um búsetu í Eyjum
• m. a. umdeilt viðtal við Hafstein Stefánsson

Eyjapistill 1. september 1973

Umsjón: Arnþór og Gísli Helgasynir.
Þessi þáttur er ekki til í fórum Ríkisútvarpsins.
Í upphafi les Sigrún Þorsteinsdóttir á Blátindi opið bréf frá fjölda Vestmannaeyinga til Eyjapistils, vegna samtals, er Arnþór átti við Hafstein Stefánsson í Eyjapistli miðvikudaginn 29. ágúst. Bréfið er ritað 30. ágúst. . Í bréfinu hvetja Vestmannaeyingar til bjartsýni og aukinna framkvæmda.
Lestur Sigrúnar var hljóðritaður í gegnum síma, en ekki útvarpað.

1. Arnþór byrjar á tilkynningum. M. a. um skólahald í Eyjum.

2. Arnþór les bréfið frá Vestmannaeyingunum, sem Sigrún las. Bréfið ritað 30. ágúst 1973

3. Guðmundur Jónsson syngur lagið Morgun á Heimaey, lag Brynjúlfs Sigfússonar við ljóð Sigurbjörns Sveinssonar. Ólafur Vignir Albertsson leikur með.

4. Gísli les beint frá Eyjum, staddur á Básaskersbryggju og segir frá því þegar einni rafstöðinni í Eyjum er skipað í land.

5. Gísli ræðir í Eyjum við Guðgeir Ágústsson bílaskoðunarmann um tjónamat á bílum og tækjum. Samtalið sent í gegnum síma.

6. Arnþór les kveðjur. Leikið þjóðhátíðarlag Vestmannaeyja 1973, Við höldum þjóðhátíð. Flytjandi: Hljómsveit og kór Eyjapistils.

HEILDARTÍMI MEÐ LESTRI BRÉFSINS 27,42 mín.
Heildartími ÞÁTTARINS 19,02 mín.

Skrár tengdar þessari bloggfærslu:

• Viðbót frá Sigrúnu á Blátindi sem les bréf

Eyjapistill 2. september 1973

Umsjón: Arnþór og Gísli Helgasynir.
Þessi þáttur er ekki til hjá Ríkisútvarpinu.
1. Arnþór hefur þáttinn með tilkynningum og leitar m.a. eftir bréfritara nafnlauss bréfs, les tilkynningu frá Barnaverndarnefnd og Barna- og gagnfræðaskóla Vestmannaeyja vegna innritunar nemenda.

2. Arnþór spjallar við Séra Þorstein og hann les nýort kvæði, sem heitir Til vonarinnar.

3. Gísli talar í gegnum síma, spjallar um veðrið og lýsir hreinsun við Fiskiðjuna og Ísfélagið. Segir frá kafgrænu grasi vestur í bæ. Allt í lukkunnar velstandi í Eyjum.

4. Arnþór les bréf frá Eiríki Guðnasyni frá 25. ágúst. Eyríkur reynir að hressa við Eyjapistil, sem honum fannst frekar þreytulegur. Stökur fylgja með í lokin.

5. Arnþór les kveðjur. Leikið norska lagið Fanetullen.

6. Bænarorð séra Þorsteins Lúthers Jónssonar.

Heildartími 15.59 mín.

Skrár tengdar þessari bloggfærslu:

• Eyjapistill 2. september 1973

Eyjapistill 6. september 1973

Umsjón: Arnþór og Gísli Helgasynir.
Þessi þáttur er ekki til hjá Ríkisútvarpinu.

1. Leikið lagið Håvard Heide, norskt þjóðlag. Gísli afkynnir lagið, sem Eyjapistli var sent, segir frá textanum og færir fram þakkir fyrir plötuna. Gísli les kveðjur, sem fylgja þessu lagi.

2. Gísli les tilkynningu til fjáreigenda í Vestmannaeyjum. Undir heyrist í kindum, sem jarma.

3. Gísli vitnar í spjall við Súlla frá því í gær, sem nú er týnt. Gísli segir frá tilraunum með hitaveitu. Segir frá framrás hraunhitans og hvernig menn vilja stemma stigum við honum.

4. Gísli ræðir í Vestmannaeyjum við Örn Bjarnason héraðslækni um hitt og þetta og málefni Sjúkrahússins. Örn segir frá gasmælingum. Örn fjallar um skipun nefndar sem var ætlað að gera tillögur að endurbótum vegna Vestmannaeyjagossins á höfnum við suðurströndina. Fjallað um endurskipulagningu á skolpkerfinu í Eyjum.

5. Gísli segir frá bréfinu, sem um 70 Vestmanaeyingar skrifuðu 30. ágúst sl. og birtist í dagblaðinu. Segir frá því að Eyjamaður, Sigurður frá Höfðahúsi verji Hafstein Stefánsson. Les tilkynningar.

Heildartími 20.27 mín.

Skrár tengdar þessari bloggfærslu:

• Eyjapistill 6. september 1973

Eyjapistill 10. september - hluti þáttarins

Eyjapistill sennilega 10. september 1973, afgangur þáttarins.
Umsjón: Arnþór og Gísli Helgasynir.

1. Þátturinn hefst í miðju atriði þar sem Arnþór les frásögn af komu manna líklega frá Norska Rauða krossinum og Norsk Islandsk samband hingað til lands og bæjarstjórnarveislu, sem bæjarstjórn Vestmannaeyja hélt þeim og fleiri gestum á Hótel Holti í Reykjavík.

2. Gísli segir frá verkfalli í Eyjum og rekur gang mála. Þetta er hljóðritað í beinni útsendingu. Inn í lestur Gísla kemur jarðskjálfti, en það heyrist á bandinu þegar Skúlagata 4 nötrar. Þá var einnig verið að sprengja fyrir grunni Seðlabankans og útvarpshúsið nötraði einnig af þeim orsökum. Þess vegna gerir Gísli athugasemd um jarðskjálftann.

Heildartími 17,04 mín.

Skrár tengdar þessari bloggfærslu:

• 7309-10-hlutithattar.mp3